ഏപ്രില് ഫൂള് ആണെങ്കിലുംഅതിയാനൊന്നു ചുറ്റാനിറങ്ങി. ഇന്ന് എങ്ങോട്ട പോകണം? അപ്പോഴാണ് വാല്യുവേഷന് നടക്കുന്ന കാര്യം ഓര്മ വന്നത് ടി.ഡി.പി.ബി.എന്. മെസേജ് വരാത്തതില് ഏറെ ദുഖിച്ച തന്റെ സതീര്ത്യന് - യാതാര്ത്യന് പോയ മലയാളം രണ്ടാം പേപ്പര് ക്യാമ്പിലേക്ക് അതിയാന് കൊച്ചുവെളുപ്പാന് കാലത്തെ തിരുവനന്തപുരത്ത് നിന്നൊരു സുപ്പെര് ഫാസ്റ്റില് കയറിപ്പറ്റി.ഒന്പതര മണിക്ക് സ്ഥലത്തെത്തിയ അതിയാന് കണ്ടത് രസകരമായ കാഴ്ചകളായിരുന്നു.ഹോ ! ഇത്ര രസകരമാണോ ഈ ക്യാമ്പ് ? വര്ഷങ്ങളുടെ ഇടവേളകളില് കണ്ടുമുട്ടിയവരുടെ സൌഹൃദം പങ്കിടല്.........ആണ്പെണ് ഭേദമില്ലാത്ത ആ മലയാളക്കരയുടെ കാപട്യ രഹിതമായ(?) സ്നേഹ നിര്ഭര നിമിഷങ്ങള് കാണാനുള്ള ഭാഗ്യം ഫൂള് ദിവസത്തില് തന്നെ അരങ്ങേറിയതില് അതിയാന് അഭിമാനിച്ചു.മരച്ചുവടുകളും കെട്ടിടങ്ങളുടെ മുക്ക് മൂലകളും ഉദിച്ചുയരുന്ന ചൂടില്,സൌഹൃദ തണലില് കുളിര്കാറ്റു വീശി.എങ്കിലും ക്യാമ്പ് ഒഫിസരുടെ മുന്നിലെ നീണ്ട നിരയിലിരിക്കുന്ന ഇരുപതോളം പേരുടെ മുഖങ്ങള് കാര്മേഖം നിറഞ്ഞ മാനം പോലെ മ്ലാനമായിരിക്കുന്നത് അതിയാന് കണ്ടു.എല്ലാം ഒരേ തരക്കാര് പതിനഞ്ചിനും ഇരുപതിനും ഇടയില് സര്വീസ് ഉള്ളവര്.യൌവനത്തിനും വാര്ധക്യത്തിനുമിടയില് ചക്രശ്വാസം വലിക്കുന്നവര് (തുടരും )
